-
مسند احمد کی حدیث پر استاد محترم کا بیان
السلام علیکم،
میرے اپنے محترم بھائی جان سے مذہبی معاملات میں مباحثے چلتے رہتے ہیں، کیونکہ میں غامدی صاحب کے مکتبہ فکر سے متاثر ہوں جب کہ، میرے بڑے بھائی روایتی فکر سے متاثر ہیں. حال ہی میں، میری ان سے موسیقی کو لے کر بہث ہو گئی، میں نے ان کو غامدی صاحب کی یہ ویڈیو دکھائی جس پر ان کا جواب تھا کہ، یہ حدیث (مسند احمد ٤٥٣٥)، یہاں پر ختم ہوجاتی ہے، کہ ابن عمر (ر) نے فرمایا “میں نے نبی ص کو اسی طرح کرتے ہوئے دیکھا تھا، اور اس سے مراد محض یہ تھا کہ نبی (ص) نے اپنے کانوں میں انگلیاں ٹھونس لیں نہ کہ انہوں نے ابن عمر کو یہ کہا کہ تم ذرا خیال رکھنا اور خود کانوں میں انگلیاں ٹھونس لیں، بھائی نے مزید یہ کہا کہ “اس حدیث میں کہاں لکھا ہے کہ ساتھی نافع (ر) کو سننے کی اجازت تھی، بلکہ اس میں تو یہ ہے کہ ان دونوں نے راستہ ہی بدل لیا، تاکے دور ہوجائیں.”
اس پر مجھے انہیں کیا جواب دینا چاہیے؟ مزید انہوں نے کچھ احادیث پیش کیں، جس سے انہوں نے یہ ثابت کرنے کی کوشش کی کہ موسیقی حرام ہے (دف کے علاوہ). اب مجھے معلوم ہے کہ، دین کو دیکھنے کے اصل ذرائع قرآن و سنت ہیں، مگر میں انہیں احادیث کے ذریعہ سے کیسے قائل کروں کہ موسیقی (دف کے علاوہ بھی) حلال ہے؟
بہت شکریہ.
-
6 Replies
-
مسند احمد کی حدیث پر استاد محترم کا بیان
updated 3 months, 1 week ago
2 Members
·
6
Replies
-
دین میں کسی چیز کے حرام ہونے کے کچھ اصول ہیں۔ اگر ان اصولوں پر اتفاق نہیں تو کسی قائل کرنا ممکن نہیں۔
اصول یہ کہ حرام وہی ہوگا جس میں کوئی اخلاقی قباحت پائی جائے۔
قرآن میں اسے حرام قرار دیا گیا ہو۔
سنت متواترہ سے اس کا حرام ہونا متعین ہو۔
احادیث سے اس کی حرمت تبھی ثابت ہوگی جب حدیث سند درست ہو اور اس کی حرمت اخلاقی قباحت پر مشتمل ہو۔
موسیقی کی حرمت سے متعلق کوئی ایک بھی حدیث قابل اعتماد نہیں ہے۔ اس کے برعکس جن احادیث میں اس کی حلت کا ذکر ہے وہ قابل اعتماد ہیں۔ آپ نے موسیقی خود بھی سنی اور حضرت عائشہ کو بھی سنائی۔
موسیقی کی حرمت پر کبھی اجماع نہیں ہوا۔
موسیقی وہی حرام ہے جس میں مثلا شرکیہ شاعری کی گئی ہو یا فحاشی ساتھ میں کی جا رہی ہو۔ ورنہ موسیقی اپنے آپ میں خدا کی پیدا کردہ زینت ہے اور خدا کی زینتوں کو کوئی حرام قرار نہیں دے سکتا۔
-
کیا آپ اس روایت کا حوالہ دے سکتے ہیں، جس میں اللہ کے رسول نے سیدہ عائشہ کو موسیقی سنائی ہو؟
-
اور دوسرا یہ کہ بھائی نے غامدی صاحب کی اس ویڈیو پر کچھ سوالات اٹھائے ہیں، ان کا جواب بھی دے دی جیئے۔
شکریہ۔
-
حوالہ جات آپ کو اس مضمون میں مل جائیں گے
-
نافع والی روایت میں موسیقی کی حرمت کے بارے میں کوئی ذکر نہیں۔
یہ بھی ممکن ہے کہ آپ کچھ سوچ رہے ہیں یا وحی نازل ہو رہی ہو اور آپ ڈسٹرب نہ ہونا چاہتے ہوں۔
-
موسیقی کے موضوع پر غامدی صاحب نے ایک تفصیلی سیریز کی ہے اپ وہ ملاحظہ فرمائیں۔
Sponsor Ask Ghamidi
