Concept Of Honor And Honor Killing In Islam (غیرت اور ننگ کے بارے میں)

[Dr. Irfan Shahzad]

غیرت کا مادہ انسانوں میں فطری طور پر پایا جاتا ہے اس کے ذریعے سے وہ اپنے جان، مال اور آبرو کی حفاظت کر پاتے ہیں۔ اس میں بعض اوقات افراط و تفریط سے بھی کام لیتے ہیں جیسے ہر معاملے میں وہ کرتے ہیں۔ دین انھیں اعتدال کی راہ دکھاتا اور انھیں ان کے اعمال کا ذمہ دار بناتا اور آخرت میں ان کےا عمال کی جواب دہی سے خبردار کرتا ہے۔

مذکورہ معاملے میں لوگوں نے قانون اپنے ہاتھ میں لے کر ایک مرد اور عورت کو قتل کیا ہے جس کی اجازت ملکی قانون نہیں دیتا۔

دین میں یہ سکھایا گیا ہے کہ شوہر کو یقین بھی ہو کہ اس کی بیوی بے وفا ہے تو معاملہ عدالت میں لایا جائے گا جہاں لعان ہوگا۔ عورت اپنا جرم تسلیم کر لے تو شریعت کے مطابق اسے سزا ملے گی مگر جرم کی نوعیت اور مجرم کے حالات کی رعایت کی جائے گی۔ اور اگر عورت جرم قبول نہ کرے تو چار بار قسمیں کھائے گی اور پانچویں بار یہ کہے کہ وہ جھوٹی ہے کہ اس پر خدا کی لعنت ہو۔ اس کے بعد دونوں چاہیں تو ان میں علحدگی کرا دی جایے گی۔