-
Principle Behind Assigning Meaning To The Arsh Of Allah In Quran
قرآن مجید میں جہاں بھی لفظ عرش آیا ہے، وہاں امام امین احسن اصلاحی اور جاوید احمد غامدی صاحب نے اسے بالعموم “حکومت اور ملکیت” کے معنی میں لیا ہے۔ لیکن جب قرآن میں فرشتوں کے “یحملون العرش” (عرش کو اٹھانے والے) ہونے کا ذکر آتا ہے تو اسے عالمِ متشابہات میں شمار کیا ہے۔ سوال یہ ہے کہ جب ایک جگہ حقیقی عرش کے وجود کو مان لیا گیا ہے تو پھر استویٰ علی العرش کو محض مجازی معنی میں لینا کس طرح قابلِ فہم ہے؟
اس میں اصولی موقف تو تفویض المعنی و الکیفیہ کا ہونا چاہئے!
-
4 Replies
-
Principle Behind Assigning Meaning To The Arsh Of Allah In Quran
updated 1 month ago
2 Members
·
4
Replies
-
معنی و مفہوم معلوم ہونا ضروری ہے۔ کیفیت کو تفویض کر دیا جائے گا۔
معنی بھی اگر معلوم نہیں تو کلام اللہ کا ابلاغ نہ ہوا۔
دونوں جگہ عرش ہی مراد ہے۔ البتہ عرش پر متمکن ہونا کاروبار سلطنت سنبھالنے کا معروف اسلوب ہے۔ اس لیے اس کے مجازی معنی کی طرف توجہ دلائی گئی ہے۔
-
صحیح صحیح!
شکریہ!
ایک الجھن مزید ہے؛ کیا باقی صفات باری تعالیٰ میں بھی یہی نظریہ ہے! کیا مکتبہ فراہی بھی ید، الرجل، وغیرہم صفات کا حقیقی معنی مراد لیتے ہیں؟
یا “ید” سے مراد طاقت اس طرح کا مجازی مفہوم لیتے ہیں؟
-
جملے میں لفظ کس طرح استعمال ہوا اس سے طے ہوتا ہے کہ لفظی معنی لینا ہے یا مجازی۔
خدا نے کہیں اپنا جسمانی حلیہ بیان کرنے کے لیے کوئی کلام نہیں کیا۔ اگر وہ کہتا ہے کہ اس نے آدم کو دونوں ہاتھوں سے بنایا تو یہ اہتمام پر دلالت کرتا ہے۔ خدا کا ہاتھ جماعت پر ہے تو اس سے مراد خدا کی حمایت حاصل ہونا ہے۔
-
جی درست!
لیکن ان صفات کے بارے کیا نئریہ ہے جو احادیث میں وارد ہیں! جن میں مجازی معنی لینا محال ہے
1- ساق (پنڈلی)
2- دونوں ہاتھ دائیں ہیں.
3- قیامت میں رب اپنا پاؤں جہنم میں ڈال دے گا
4- خدا کے ضحک کے ساتھ اس کے دانت اور دہن بھی ظاہر ہو جاتے ہیں.
یہ تمام روایات سند کے معیار پر پوری اترتی ہیں!
بلکہ جو دانت اور دہن والی روایت ہے اس پر تو امام احمد نے کہا ہے کہ اس پر تلقی بالقبول بھی ہے علماء کی
شکریہ
Sponsor Ask Ghamidi
