Did Muslims Fight Kuffar To Avenge Their Losses And Their Banishment?

[Dr. Irfan Shahzad]

قرآن مجید میں اللہ تعالی نے بتایا کہ رسول اللہ ﷺ کے تحت مسلمانوں کی کفار کے ساتھ جنگوں کی اصل وجہ یہ تھی کہ کفار اسلام کے پیغام کو مٹانا چاہتے تھے۔ اس کی حفاظت کے لیے ان کے حملوں کا جواب دینا پڑا۔

دوسرا محرک یہ بتایا گیا ہے کہ جب کسی قوم پر رسول اتمام حجت کر دے تو وہ لوگ پھر بھی خدا کا پیغام قبول کرنے پر تیار نہ ہوں تو انھیں صفحہ ہستی سے مٹ جانا ہوتا ہے۔ ان پر عذاب آتا ہے۔ گزشتہ اقوام میں یہ عذاب سیلاب اور آندھی و طوفان کے ذریعے سے آئے، رسول اللہ کے وقت یہ عذاب صحابہ کی تلواروں سے مسلط کیا گیا ۔

مسلمانوں کو جنگ پرابھارنے کے لیے جہاں اعلائے کلمۃ اللہ یعنی خدا کا بات بلند کرنے کے مقصد کو بیان کیا گیا وہاں ان کے ذاتی نقصانات کا حوالہ بھی دیا گیا جو فطری بھی تھا اور انصاف کے مطابق بھی کیونکہ انھیں محض اس وجہ سے گھروں سے نکالا گیا کہ وہ کہتے تھے کہ ہمارا رب اللہ ہے۔ چنانچہ یہاں محض گھروں سے نکالنے کا ذکر نہیں، اس وجہ سے نکالنے کا ذکر ہے انھیں خدا کے نام پر نکالا گیا۔ اس سے فطری طور پر جو غصہ پیدا ہوتا ہے اور وہ غصہ پہلے سے تھا، اسے بھی استعمال کیا گیا ہے۔ اور اس میں کوئی حرج نہیں، کرنا چاہیے تھا۔

[Nouman Ullah]

کیا صفحہ ہستی سے مٹایا جانا جنگ کے دوران تک محدود تھا یعنی وہ جنگ میں مارے جائے گے یا جب جنگ کے بغیر بھی؛ یا وہ وہ لوگ جو مسلمانوں سے جنگ لڑنا نہیں چاہتے، وہ بھی مارے کاٹے جائیں گے۔

[Dr. Irfan Shahzad]

مشرکین عرب جن پر رسول اللہ ﷺ نے اتمام حجت کیا، ان کا تہ تیغ ہونا خدا کا حکم تھا چاہے وہ جنگ کرتے یا نہ کرتے۔ دیکھیے سورہ توبہ آیت 5