-
نمازیں جمع کرنا
اسلام علیکم سرمیں ایک فری لانسر ہوں اور نہ چاہتے ہوئے بھی رات کو کام کرنا پڑتا ہے کیونکہ میں پاکستان میں ہوں اور کام امریکہ میں کرنا پڑتا ہے ۔ گھر میں میرے علاوہ اور کوئی ہے بھی نہیں جس پر یہ ذمہ داری ہو !
میرے لیے دن کہ اوقات میں تمام نمازیں پڑھنا انتہائی مشکل رہتا ہے ! پہلے میں نمازیں جمع کرلیا کرتا تھا مگر کچھ دن قبل دوست نے کہا کہ نمازیں جمع نہیں کرسکتے کیونکہ آپ کا معمول ہی بن گیا ہے ایسا کرنا جس پر میں نے چند دن کوشش کی کہ تمام نمازیں اپنے اوقات میں ہی پڑھوں مگر اسکی وجہ سے میں انتہائی پریشان ہوگیا ہوں کیوں کہ نیند بھی اب پوری نہیں ہوتی اور س وجہ سے میری نمازیں جمع تو دور جمع کہ اوقات بھی گزر جاتے ہیں ۔
میں نے مختلف اوقات میں سونے کی بھی کوشش کی ہے مگر اس کی وجہ سے اب ظہر اور عصر جمع تو کیا مغرب کے بعد جا کر آنکھ کھلتی ہے ! پہلے میں کم از کم ظہر اور عصر جمع کرلیا کرتا تھا اور باقی تمام نمازیں اپنے اوقات پر مگر اب مجھے خدا کے حضور انتہائی شرمندگی محسوس ہوتی ہے جب میں مغرب کی نماز کے ساتھ ظہر اور عصر پڑھتا ہوں جو کہ قضاء ہوجاتی ہیں !
مجھے اس معاملے میں آپ کی رہنمائی درکار ہے گویا کہ میں اس وقت انتہائی پریشان ہوں کہ خود پر شرم آتی ہے کہ رب کائنات کی تمام تر نعمتوں کے بعد بھی میں اتنا نہیں کر پا رہا کہ ان کے حضور دل سے حاضری ہی لگوا لوں ، شرمندگی کی ایک مستقل کیفیت ہو جو میرا احاطہ کیے ہوئی ہے ۔
بہت شکریہ -
1 Reply
-
نمازیں جمع کرنا
updated 1 month, 1 week ago
2 Members
·
1
Reply
-
آپ فرض نماز ادا کر لیا کریں۔ اس میں کچھ وقت نہیں لگتا۔ جماعت سے نہ پڑھ سکیں تو انفرادی نماز پڑھ لیں۔ چند منت کی بریک تو آپ کھانے اور واش روم جانے کے لیے بھی لیتے ہی ہوں گے۔ پانچ منٹ کی نماز کی بریک بھی کی جا سکتی ہے۔
نمازوں کو جمع کرنے کا اصول یہ ہے کہ انھیں الگ الگ پڑھنا کسی بھی وجہ سے مشکل ہو تو جمع کر لیا جاتا ہے۔ اس کا فیصلہ کہ صورت حال نمازوں کو جمع کرنے والی ہے یہ آدمی کو خود کرنا ہوتا ہے۔
Sponsor Ask Ghamidi
