-
هو سماکم المسلمين میں ضمیر کا مرجع کیا ہے
السلام عليكم ورحمة الله وبركاته
هُوَ اجْتَبَاكُمْ وَمَا جَعَلَ عَلَيْكُمْ فِي الدِّينِ مِنْ حَرَجٍ ۚ مِّلَّةَ أَبِيكُمْ إِبْرَاهِيمَ ۚ هُوَ سَمَّاكُمُ الْمُسْلِمِينَ مِن قَبْلُ وَفِي هَٰذَا لِيَكُونَ الرَّسُولُ شَهِيدًا عَلَيْكُمْ وَتَكُونُوا شُهَدَاءَ عَلَى النَّاسِ ۚ سوره حج کی اس آیت میں هُوَ سَمَّاكُمُ الْمُسْلِمِينَ میں هو ضمیر کا مرجع بعض کے نزدیک الله ہے اور بعض کے نزدیک ابراهيم عليه السلام ۔ اصلاحی و غامدی صاحب کے نزدیک بھی ابراهیم علیه السلام ہیں ۔ جولوگ اس کا مرجع اللہ تعالٰی کو قرار دیتے ہیں وہ کہتے ہیں کہ پیچھے هُوَ اجْتَبَاكُمْ وَمَا جَعَلَ عَلَيْكُمْ … کا فاعل اللہ تعالٰی ہے اسی سلسلے کی یہ بات بھی ہے کہ هُوَ سَمَّاكُمُ الْمُسْلِمِينَ اسی اللہ نے تمہارا نام مسلمان رکھا ہے اور کہتے ہیں کہ اگر ابراهیم علیہ السّلام کو مراد لیا جائے تو مِن قَبْلُ وَفِي هَٰذَا یعنی “اس سے پہلے اور اس کتاب میں بھی” کا ٹکڑا سمجھ میں نہیں آتا اس لئے کہ اس کتاب میں ابراهیم علیه السلام نام کیسے رکھ سکتے ہیں وہ تواللہ نے رکھا ہے ـ
اس بارے میں اہل علم کیا فرماتے ہیں ؟
-
10 Replies
-
هو سماکم المسلمين میں ضمیر کا مرجع کیا ہے
updated 22 hours, 34 minutes ago
2 Members
·
10
Replies
-
جملے میں دونوں احتمال کی گنجایش ہے۔ قرآن مجید میں اس کا ذکر آیا ہے کہ انھوں نے واجعلنا مسلمین لک کی دعا کی تھی۔ یہ نام انھوں نے رکھا تھا آیت میں اسی طرف اشارہ معلوم ہوتا ہے۔
و فی ھذا ادھورا جملہ ہے۔ اس کا مطلب یہ بھی ہو سکتا ہے کہ اس قران میں بھی تمھہار نام مسلمان ہے۔
-
ان دونوں احتمالات میں ترجیح کس طرح قائم کی جائے گی ـ اللہ کی مراد کس طرح معلوم کی جائے گی۔
-
-
قرآن کا اسلوب یہ ہے کہ جب قرینہ موجود ہو تو ضمائر کا انتشار کر دیتا ہے۔ چونکہ ہم جانتے ہیں کہ قرآن میں مرقوم ہے کہ ابراہیم علیہ السلام نے مسلم نام رکھا تھا تھا اس لیے انھیں کی طرف منسوب ہونی چاہیے۔
-
واجعلنا مسلمین لک یہ اس بات کیلئے صریح نہیں ہے کہ انھوں نے مسلمان نام رکھا تھا
-
-
و من ذریتنا امة مسلمة لك.
اسے بھی ملحوظ رکھیں۔
-
جی اس میں بھی صراحت نہیں ہے
ربنا واجعلنا مسلمين لك ومن ذريتنا امة مسلمة لك
اور پھر مسلمان کا لفظ مطیع و فرمانبردار کے معنی میں ابراهیم ع سے پہلے پیغمبروں نے بھی استعمال کیا ہے
-
-
جی ٹھیک ہے۔ اس میں آپ اپنے ذوق کے مطابق ترجیح قائم کر سکتے ہیں۔
-
در اصل غامدی صاحب یہ کہتے ہیں کہ قرآن کے الفاظ احتمالات دور کر دیتے ہیں
-
-
احتمالات عقلی طور پر دور ہوتے ہیں۔ اسی وجہ سے بعض اوقات دو لوگ ایک بات پر متفق نہیں ہوتے جیسے خود مولانا اصلاحی سے غامدی صاحب اور غامدی صاحب سے ان کے شاگرد بھی تفہیم قرآن میں اختلاف کرتے ہیں۔
جیسے میرے نزدیک مزکورہ آیت کا قرینہ کافی دلیل ہے کہ ھو کا مرجع ابراہیم ہیں۔ مسلم یعنی فرمان بردار نام رکھا اور خدا نے اسی صفت کی بنا پر اسے مسلمانوں کے لیے جاری کیا۔
-
نام رکھا ، یہی بات تو اس میں بیان نہیں ہوئی انھوں نے کہا ہمیں اپنا فرمانبردار بنا لے
-
Sponsor Ask Ghamidi
