-
How To Deal With Extremist Opposing Views (شدت پسندی کے مقابلے میں درست رویہ)
مولانا اصلاحی کی محترم جاوید غامدی صاحب کو ایک نصیحت کے بارے میں ویڈیو کلپ دیکھی کہ اگر تمھارا سایہ بھی ساتھ چھوڑ جائے، تب بھی اس حق سے پیچھے مت ہٹو جو تم پر واضح ہوچکا ہو۔ مزید یہ کہ جب حق آپ پر واضح ہوچکا ہو تو فساد خلق کے ڈر سے اس سے پیچھے نہ ہٹیں۔
اب ہوتا یہ ہے کہ ہمارے معاشرے میں جو مذہبی ذہن ہے وہ اوپر والی سوچ کے نتیجے میں جب ایک بات کو جو بظاہر کتنی ہی غلط کیوں نہ ہو، یا کسی مذہبی رہنماء کو اپنے ذہن میں بٹھا لیتا ہے تو اسکے بعد وہ کسی کی نہیں سنتا ہے۔ اس سوچ سے معاشرے میں شدت پسندی پیدا ہوتی ہے جب وہ اپنی بات سے ٹس سے مس نہ ہورہا ہو۔ ہر بات کو جو بقول اس کے اس پر واضح ہوچکی ہے اسے وہ مذہبی پیرایہ میں دیکھ کر اسکے لئے جان دینے اور لینے کے لئے بھی تیار ہوجاتا ہے۔ یا پھر اپنے مخصوص فرقے یا مسلک یا مذہب سے اسکا تعلق اور زیادہ شدید ہوجاتا ہے۔
پوچھنا یہ تھا کہ ان دونوں باتوں کو آپ کیسے دیکھتے ہیں ؟؟ ان دونوں باتوں میں دین کے تناظر میں درست بات اور درست رویہ کیا ہونا چاہیئے ؟
-
2 Replies
-
How To Deal With Extremist Opposing Views (شدت پسندی کے مقابلے میں درست رویہ)
updated 2 weeks, 4 days ago
2 Members
·
2
Replies
-
آدمی کو پوری دیانت داری سے دلائل اور شواہد کی بنیاد پر ایک راے حق کو حق سمجھنا چاہیے۔ حق ایسی چیز نہیں ہوتی کہ وہ دوسروں کو حق باور نہ کرایا جا سکے۔
کسی کی اندھی تقلید میں کوئی بات بغیر دلایل کے اختیار کر لینا جہالت ہے، حق نہیں۔
حق کے لیے ڈٹ جانا قابل تعریف ہوتا ہے۔ یہ نہ ہو تو انسانی کردار کی خوب صورتی ہی ختم ہو جایے۔ غامدی صاحب، مثلا، طالبان کے نجی جہاد کو غلط قرار دیتے تھے۔ اس کے دلائل بیان کرتے تھے، وہ اس پر ڈٹے رہے یہاں تک کہ انھیں ملک چھوڑ کر جانا پڑا مگر وہ اپنی بات سے پیچھے نہیں ہٹے۔
جب کہ طالبان کا نہتے لوگوں کو مارنے کا استدلال کوئی دینی بنیاد نہیں رکھتا تھا۔ مگر وہ جہالت سے اس پر ڈٹے رہے۔ جب جہالت سے آدمی ڈٹتا ہے تو اس کا دل گواہی دیتا ہے کہ وہ غلط کر رہا ہے مگر وہ دل کی نھیں سنتا۔ حق کے معاملے میں انسان کو شرح صدر ہوتا ہے کہ وہ درست پوزیشن پر کھڑا ہے۔
-
جزاک اللہ سر
Sponsor Ask Ghamidi
