-
سورہ النور آیت 26 کی تشریح
اَلۡخَبِیۡثٰتُ لِلۡخَبِیۡثِیۡنَ وَ الۡخَبِیۡثُوۡنَ لِلۡخَبِیۡثٰتِ ۚ وَ الطَّیِّبٰتُ لِلطَّیِّبِیۡنَ وَ الطَّیِّبُوۡنَ لِلطَّیِّبٰتِ ۚ اُولٰٓئِکَ مُبَرَّءُوۡنَ مِمَّا یَقُوۡلُوۡنَ ؕ لَہُمۡ مَّغۡفِرَۃٌ وَّ رِزۡقٌ کَرِیۡمٌ
خبیث عورتیں خبیث مردوں کے لیے ہیں اور خبیث مرد خبیث عورتوں کے لیے ۔ پاکیزہ عورتیں پاکیزہ مردوں کے لیے ہیں اور پاکیزہ مرد پاکیزہ عورتوں کے لیے ۔ ان کا دامن پاک ہے ان باتوں سے جو بنانے والے بناتے ہیں ، ان کے لیے مغفرت ہے اور رزق کریم ۔
اس آیت میں خبیث عورتوں کے لئے خبیث مردوں کی اور پاکیزہ عورتوں کے لئے پاکیزہ مردوں کی بات کی گئی ہے جبکہ ہم دیکھتے ہیں کہ کئی انبیاء کرام کی بیویاں ایمان لانے والی نہ تھیں اور بدکار تھیں۔
تو اس آیت کی کیا درست تشریح ہوگی ؟؟
-
4 Replies
-
سورہ النور آیت 26 کی تشریح
updated 11 hours, 50 minutes ago
2 Members
·
4
Replies
-
یہ آخرت سے متعلق ہے۔ پوری آیت پڑھیے۔ ان کے لیے آخرت میں مغفرت اور اجر عظیم کا ذکر بھی ہے۔
-
کیا اس آیت کے یہ معنی ہوسکتے ہیں کہ بری باتیں برے لوگ ہی کرتے ہیں کیونکہ برائی برے لوگوں پر ہی چسپاں ہوتی ہے اور اچھی باتیں اچھے لوگ ہی کرتے ہیں کیونکہ اچھائی نیک لوگوں پر ہی چسپاں ہوتی ہے۔ نیک لوگ پاک ہیں اس الزام تراشیوں سے جو لوگ ان پر کر رہے ہیں۔
کیا یہ ترجمہ ہوسکتا ہے ؟
-
یہ ترجمہ نہیں ہو سکتا۔ اس لیے کہ آگے اولئک آیا ہے اور اس میں مرد و عورت دونوں شامل ہوتے ہیں۔ اس آیت سے پہلے صرف عورتیں مذکور ہیں۔ اسی آیت میں مردوں اور عورتوں کا ذکر آیا ہے۔
دوسرے یہ کہ اگر یہاں باتیں مراد ہوتیں تو کلمات کا لفظ بھی بولا جاتا۔ محض طیبات یا خبائث سے اچھی یا بری باتیں مراد لینا ممکن نہیں۔ قرآن مجید نے جہاں اچھی بات کہنا چاہا تو وہاں کلمۃ طبیۃ اور جہاں بری بات کہنا چاہا ہے وہ کلمۃ خبیثۃ کہا ہے۔
-
جزاک اللہ
Sponsor Ask Ghamidi
