شکریہ عمر قریشی، میں نے اصلاحی صاحب کی تفسیر سے سمجھنے کی کوشش کی مگر میرے سوال کا جواب اس میں نہیں ہے۔ میرا سوال تو یہ ہے کہ اسلوب بیان کے مطابق اس آیت میں جب ساری ضمیریں جمع مذکر حاضر کی استعمال ہوئی ہیں تو پھر اولائک کے اسم اشرہ کے ساتھ ھم کی ضمیر فصل کیوں استعمال ہوئی ہے، کیا وانتم الراشدون کی شکل میں جمع مذکر حاضر کی ضمیر استعمال نہیں ہونی چاہیے تھی؟

سلام علیکم

شکریہ عمرکہ آپ نے میرے سوال کو غامدی صاحب کے سامنے رکھا اور غامدی صاحب کا بھی شکریہ کہ انہوں نے سوال کا جواب دینے کی کوشش فرمائی۔ مجھے جو تشنگی محسوس ہو رہی ہے وہ یہ کہ آپ نے سوال کو جنرالیئز کر کے غامدی صاحب کے سامنے رکھا بہتر ہوتا کہ آپ یا تو میرا پورا سوال ان کے سامنے دہرا دیتے یا کم ازکم اس آیت کا حوالہ دے کر سوال کرتے۔ بحرحال غامدی صاحب نے جو مثال قرآن مجید کے سورہ یوسف سے بیان فرمائی اس میں یقیناً ایک ہی فقرہ میں دو قسم کے مخاطبین ہیں لیکن اس آیت کے سیاق و سباق کو سامنے رکھ کر اس کی واضح توجیح سمجھ آجاتی ہے، چنانچہ اگر یہی سیاق و سباق موجود نہ ہوتا تو پھر اس آیت کا مفہوم سمجھنا بہت مشکل ہوجاتا۔ مگر سورہ الحجرات کی ۷ نمبر کی آیت سے پیشتر بظاہر اس طرح کا قرینہ موجود نہیں ہے جو کسی ایسے گروہ کی موجودگی ظاہر کرتا ہو جس کے لیے اسم اشارہ اولائک کے ساتھ ھم کی ضمیر فصل استعمال کی

جاسکے۔ کیا یہ چیز حیرت انگیز نہیں ہے؟ یا یہ کہ اس میں کوئی خاص نکتہ ہے جس کو شاید ہم نظرانداز کر رہے ہوں

سلام علیکم

بہت شکریہ عرفان شہزاد، واقعی بہت سادہ سی بات ہے اور شاید ہم کو اسی سادہ لوہی سے اس کو سمجھنا چاہیے۔ مگر پتہ نہیں کیوں میں جب بھی یہ آیت پڑہتا ہوں تو مجھے ایسا محسوس ہوتا ہے کہ یہاں پر اللہ تعالٰی نے اایمان کو محبوب بنانے اور دلوں میں سجانے اور کفر فسوق اور عصیان سے کراہت پیدا کرنے کا ذکر کر کے الایمان، کفر، فسوق اور عصیان سے کچھ شخصیات مراد لی ہیں جن کو وہ پہچنوانا چاہتا ہے۔ اسی طرح قرآن مجید کی سورہ المائدہ کی آیت وَمَن يَكْفُرْ بِالْإِيمَانِ فَقَدْ حَبِطَ عَمَلُهُ وَهُوَ فِي الْآخِرَةِ مِنَ الْخَاسِرِينَ میں بھی الایمان کوئی شخصیت نظر آتی ہے جس سے انکار کا نتیجہ اللہ تعالیٰ یہ بیان فرماتا ہے کہ سارے اعمال اکارت ہو جائیں گے اور آخرت میں بھی خسارہ مقدر بنے گا۔

بہرحال آپ کی رہنمائی کا شکریہ

التماسِ دعا

یہ بھی فرض کیا جا سکتا ہے مگر ایک ذاویہ نگاہ یہ بھی تو ہو سکتا ہے جس کی طرف میں نے اشارہ کیا ہے، خصوصاً اس صورت میں کہ جناب رسالتماب صلی اللہ علیہ وعلٰی آلہٖ وسلم کا یہ قول بھی مشہور موجود ہو کہ برز الايمان كله الى الشرك كله۔ تو جس کے لیے رسول اللہ صلی اللہ علیہ وعلٰی آلہٖ وسلم کل ایمان فرمائیں اسی کو اگر پروردگار قرآن میں الایمان کے لقب سے ذکر فرمائی تو کیا تعجب ہے؟

کتنا سکوت ہے رسن و دار کی طرف

آتا ہے کون جرت اظہار کی طرف

دشت وفا میں آبہ پا کوئی اب نہیں

سب جا رہے ہیں سایہ دیوار کی طرف

شکریہ عرفان، شاید آپ صحیح فرما رہے ہوں مگر چند مرتبہ وقفہ وقفہ سے ان معروضات کو بار دیگر بنظر غائر پڑھ لیجیے گا شاید آپ کے نظریہ میں فرق آجائے اس بات کو ملحوظ خاطر رکھیے گا کہ آپ قرآن مجید، اللّٰہ کے کلام پر غور فرما رہے ہیں کسی دنیاوی افسانہ نگار کا افسانہ نہیں پڑھ رہے ہیں کہ اس میں کبھی شاھانہ انداز جھلکنے لگے کبھی عام گھریلو گفتگو کا رنگ نظر آنے لگے۔ اللّٰہ تعالٰی کے کلام میں کوئی غیر ضروری لفظ یا بے محل استعارہ نہیں استعمال ہوتا، ہر لفظ اپنی جگہ مکمل جامعیت کے ساتھ استعمال کیا گیا ہے، اس طرح کی تاویلات کر کے ہم اللّٰہ تعالٰی کی کلام سے اس کا اصل مقصد کبھی نہیں پا سکتے۔

والسلام

التماسِ دعا