قرآن مجید نے انسانوں سے مخاطب ہونے کے وہی اسالیب اور انداز اختیار کیے ہیں جو انسانوں میں رائج ہیں اور رہے ہیں۔ اس میں جب مرد و عورت دونوں کو مخاطب کیا جاتا ہے جو مذکر کے صیغے ہی میں بات کی جاتی ہے۔ دوسری زبانوں میں بھی ایسا ہی کیا جاتا ہے۔

نماز، روزہ، کے احکام ہوں یا تقوی یا نیکی اختیار کرنے اور کی تلقین، اس کے مخاطب یقینا سب لوگ ہیں جو میں خواتین بھی شامل ہیں۔

جو معاملات خواتین کے ساتھ خاص ہیں ان میں خواتین کو الگ سے مخاطب بھی کیا گیا ہے۔ دیکھیے سورہ نساء

جن معاملات میں مرد خواتین پر زیادتی کرتے ہیں وہاں خواتین کی وکالت کرتے ہوئے مردوں کو منع کیا گیا ہے سمجھایا گیا ہے۔ اس کے لیے بھی سورہ نساء دیکھیے اور دیگر مقامات بھی ہیں۔

جہاں ایک ہی حکم مرد و عورت کے لیے کچھ مختلف ہے تو دونوں کا الگ الگ بھی مخاطب کیا گیا ہے۔ مثلا سورہ نور کی آیت 30 اور 31 دیکھیے۔

امید ہے اس تناظر سے قرآن کا مطالعہ آپ کا اشکال دور کر دے گا۔