قرآن مجید ہر ہر بات کو کھول کر بیان نہیں کرتا جب کہ وہ کسی بات کا لازمی تقاضا کے طورپر سمجھ آ سکتا ہو۔ قرآن مجید میں اس کی کئی مثالیں ہیں۔ یہی دیکھیے کہ مشرکین کے لیے قتل کی سزا بیان کی گئی۔ وہاں بھی یہ نہیں لکھا ہوا کہ دنیا بھر کے مشرکین کو نہیں مارنا۔ مگر علما اور فقھا نے یہاں درست طور پر سمجھا کہ یہ سزا جزیرہ نما عرب کے مشرکین کے لیے ہے۔ تو کیا وجہ تھی کہ جزیہ کی سزا جو اہل کتاب پر نافذ کی گئی، اس کو عام سمجھ لیا گیا۔ قرآن مجید نے یہ معاملہ واضح ہونے کی بنا پر چھوڑ دیا تھا۔

قرآن مجید اپنے قاری سے تدبر کا تقاضا کرتا ہے۔