حیض میں بھی طلاق ہو جاتی ہے۔ البتہ اسے ناپسند کیا گیا ہے۔ یہ طلاق کے درست طریقے کی خلاف ورزی ہے۔ کیونکہ اس سے عدت کو شمار کرنے میں کچھ مسئلہ پیش آ جاتا ہے۔ مذکورہ کیس میں طلاق ہو جائے گی۔ عدت کا تعین حمل کے امکان اور عدم امکان پر منحصر ہوتا ہے۔ اگر حمل کا امکان ہی نہیں تو خاتون پر شرعا کوئی عدت عائد نہیں ہوتی۔ تاہم وہ عدت گزارنا چاہے تو طلاق کے بعد تین حیض تک اس کی عدت کی مدت ہے۔ جس میں حالیہ حیض کو شمار کرنا ہے یا نہیں، اس کا فیصلہ خاتون اور اس کے متعلقین یا کوئی ثالث کر سکتا ہے۔

آپ اپنا لب و لہجہ درست کیجیے۔ سوال کرنے کے آداب کے مطابق سوال کیجیے۔

آپ کا نماز پر اس قانون کا اطلاق غلط ہے۔ یہاں قانون بدلا نہیں جا رہا ہے۔ سماجی قوانین کے اطلاق کی کئی صورتیں ہو جاتی ہیں یہ نماز کی طرح کا معاملہ نہیں ہوتا۔

خدا نے کہیں منع نہیں کیا ہوا کہ حیض میں طلاق نہیں ہوگی۔ چونکہ عدت کو شمار کرنا ہوتا ہے اس لیے حیض میں طلاق مناسب نہیں۔

جو حکم جس درجے میں ہو اسی رعایت کے ساتھ بیان کرنا ہی اسلام ہے۔ ضرورت سے زیادہ سختی یا نرمی دونوں سے حکم کی شکل بدل جاتی ہے۔ اس سے اجتناب کرنا ضروری ہے۔