اجنبی عورتوں سے بھی اسی طرح احتیاط کا حکم ہے۔ اس لیے محفل میں ان سے بھی پردے میں احتیاط کرنی چاہیے۔

کسی کی خوب صورتی کی تعریف کرنے میں نیت سے طے ہوگا کہ یہ محض خوب صورتی کا بیان ہے یا اس کے پیچھے شہوت یا کوئی بری نیت ہے۔

صرف زینت ہے جس کو چھپانے کا حکم نہ کہ عام لباس کو۔ زینت وہ جو عام معمول سے زیادہ کسی کی جائے جیسے کسی پارٹی یا شادی پر جانے کے لیے میک اپ اور بھڑکیلے لباس۔

جو خواتین میل جول کی نہ ہوں وہ اجنبی ہیں۔ دور کے رشتے داروں میں بھی آپ کو طے کرنا ہے کہ کن کو اجنبی تصور کرنا ہے اور کن کو نہیں۔ بعض دور کے رشتے دار اجنبی معلوم نہیں ہوتے اور بعض ہوتے ہیں۔

ستر تو اکیلے بیٹھے ہوں تب بھی چھپا کر رکھتے ہین۔ یہاں ستر زیر بحث نہیں۔ وہ طے ہے وہ ڈھکا ہوا ہوگا۔

چہرہ ہاتھ پاؤں تو پہلے ہی الا ما ظھر کے تحت پردے سے مستثنا ہیں۔ ان کو نہیں ڈھانپا جاتا چاہے سامنے مرد ہوں یا اجنبی خواتین۔

میل جول کی جو بھی خواتین ہوں جن پر آپ کو اعتماد ہو وہ اجنبی نہیں۔

زینت سے مراد معمول سے زیادہ کی آراستگی ہے۔ اس کا فیصلہ آپ نے اور آپ کے کلچر نے کرنا ہوتا ہے کہ کون سی زینت روزمرہ میں شامل ہے اور کون سے معمول سے زائد ہے۔

کون خواتین اجنبی نہیں رہیں، اس کا فیصلہ بھی آپ کو کرنا ہے۔