آپ فرماتے ہیں کہ غیر مسلموں کے لئے دین کی دعوت بس اتنی ہی ہے کہ ان تک قرآن پہونچا دیا جائے اور اگر وہ عربی سے واقف نہ ہوں تو انکو مناسب ترجمہ پیش کردیا جائے

مگر اسمیں اشکال یہ پیدا ہوتا ہے کہ کیا اس امر کا اطلاق ہر دور اور ہر جگہ کے کے غیر مسلمین پر ہونا چاہیے؟ اس لئے کہ آپ صلعم کے مخاطبین عرب خاص طور سے قریش مکہ کے لئے قرآن کی زبان اور اسکا اسلوب اور ادب انتہائی پر کشش تھا

وہ قرآن کی دعوت یا اسکے پیغام پر تو بعد میں غور کرتے ہوں گے مگر اسکے اسلوب بیان سے متاثر ہوئے بغیر نہیں رہ پاتے تھے

مگر آج یہ صورت نہیں ہے یہاں تک کہ عام عربوں میں بھی نہیں

اور صورتحال حال یہ ہے کہ ہم مسلمانوں میں سے بھی جو بہتر دینی پس منظر رکھتے ہیں چند بنیادی باتوں کو چھوڑ کر مشکل سے ہی قرآن سے براہ راست کچھ سمجھ پاتے ہیں وہ آپ جیسے کسی معلم سے استفادہ یا کسی تفسیر کا مطالعہ کرے بغیر نہیں رہ سکتے

پھر غیر مسلموں سے کس طرح یہ توقع کی جاسکتی ہے کہ وہ بہت کچھ خود ہی قرآن یا اسکے ترجمہ سے سمجھ لیں گے اور خاص طور سے تراجم میں تو مترجم کی فکر کا خاصہ اثر ہوتا ہے

براہ کرم وضاحت فرمائیں اور اگر اس سوال کو یوٹیوب پر دعوت دین سیریز میں شامل کرسکیں تو بہت عنایت ہوگی

اللہ آپ کو جزائے خیر عطا فرمائے آمین