تواتر ایک چیز ہے اور کسی خبر واحد کا معتبر ہونا ایک چیز۔ تواتر کے بغیر بھی ایک خبر معتبر ہو سکتی ہے۔ اس لیے حدیث غدیر کے غیر متعبر ہونے کا کوئی مسئلہ نہیں ہے۔ اس لیے ضروری نہیں کہ اسے متواتر باور کروا کر لی معتبر منوایا جائے۔ یہ اگر متواتر بھی ہو تو اس سے صرف یہ معلوم ہوتا ہے کہ حضرت علی کے ساتھ کچھ صحابہ کا جھگڑا تھا جسے ختم کرنے کے لیے رسول اکرم نے فرمایا کہ جو مجھے دوست رکھتا ہے علی کو بھی درست سمجھے۔ جھگڑے نمٹانے میں اس طرح کی بات کی ہی جاتی ہے۔

اس کے بعد تواتر سمجھ لیجیے کہ کیا ہوتا ہے۔ تواتر کا مطلب ہے کہ اپنے صدور کے وقت ہی سے اس پر اتنے لوگوں کا اتفاق کرکے آگے منتقل کرنا کہ اس کا گمان نہ رہے کہ ان سب نے ملک کر جھوٹ پر اتفاق کر لیا۔

تواتر ایک ادھ بار سے قائم نہیں ہوتا۔ قرآن مجید کو رسول اللہ نے مسلسل لوگوں کے سامنے پڑھا اور انھوں نے رسول کے سامنے پڑھا۔ اس کا حرف حرف تمام لوگوں کو معلوم رہا۔

اس کے مقابل کسی خبر واحد کو نہیں لایا جا سکتا ہے۔ متواتر میں سند کی بحث نہیں ہوتی۔ خبر واحد میں سند کی بحث ہوتی ہے کہ کس کس نے بیان کیا۔ ان کے بیان کرنے میں کوئی کمی کوتاہی اور تبدیلی یا غلطی یا جھوٹ کا پایا جانا ممکن ہوتا ہے۔

امت کا اجماع و وتواتر۔ امت کا پورا علم اور عمل اسے بیان کرتا ہے۔

اگر اس میں کچھ اختلاف ہوتا تو آج امت اس پر کبھی جمع نہیں ہو سکتی تھی۔ یہ ہر دور میں اجماع و تواتر سے پڑھا پڑھایا جاتا رہا، مفسر اس کی تفاسیر لکھتے رہے، فقہا اس سے مسائل استنباط کرتے رہے، لوگ حفظ کرتے رہے، مسلسل شائع ہوتا رہا۔

مزید تفصیل کے لیے

اس پر میرا یہ آرٹیکل دیکھ لیجیے۔

http://alsharia.org/2021/sep/quran-par-ijma-dr-irfan-shahzad

اجماع و تواتر کیا ہوتا ہے اس کے لیے درج ذیل ویڈیو دیکھیے

https://www.youtube.com/watch?v=mhhMQice4ow

تواتر کوئی مذہبی اصطلاح نہیں، تاریخ نقل ہونے کا ایک طریقہ ہے۔ تواتر کا درست مفہوم سمجھ لیا جائ تو کافی مسائل حل ہو جائیں گے۔ مثلا قرآن مجید کے کنٹینٹ اور اس کی ترتیب ہمیں امت کی گزشت نسلوں سے بغیر کسی اختلاف کے جیسی ملی ویسی ہی آج سب کے پاس ہے۔ اس کے ساتھ اخبار احاد میں کچھ کہانیاں ہیں جو مختلف داستانیں سناتی ہیں۔ مگر امت کیا کبھی قرآن کے الفاظ اور ان کی ترتیب کے بارے میں کسی کنفیوژن کا شکار ہوئی؟ ظاہر ہے کہ نہیں ہوئی۔ یہ کہانیاں اخبار احاد ہیں۔ قرآن اپنا خود ثبوت ہے۔ ماضی میں اس بارے میں کوئی کنفیوژن ہوتی تو صدیوں سے اس پر اجماع کا ہونا ممکن نہ تھا۔

ایسے جیسے آج کوئی ادل بدل کر قرآن چھاپ دے تو قرآن کے اجماع کو متاثر نہیں کر سکتا، یہی حال ماضی میں تھا۔ لوگوں نے کہانیاں گھڑیں مگر وہ امت کے اجماع کو کبھی متاثر نہ کر سکیں۔

اس کے مقابل کوئی ایک بھی حدیث چاہے کتنے ہی صحابہ سے منقول ہے متواتر نہیں کہی جاسکتی۔ تواتر اتنے لوگوں کا کے اجماع کو کہا جاتا ہے کہ ان سب کا جھوٹ پر اتفاق کر لینا محال سمجھا جائے۔ کوئی حدیث جم غفیر سے منقول نہیں۔

البتہ اس سے نیچے بھی جو چیزیں قابل اعتبار حد تک منقول ہوتی ہیں وہ ان پر بھی اعتبار کیا جاتا ہے۔

من کنت مولاہ کے الفاظ متواتر نہ بھی ہوں تب بھی معبتر ہو سکتے ہیں، اس کے لیے انھیں قرآن کے اجماع کے مقابل لانے کی غیر علمی حرکت کی ضرورت نہیں ہے۔

یہ الگ بحث ہے کہ من کنت مولاہ سے جو استدلال بعد کے لوگوں نے بنایا، خود حضرت علی نے اسے کبھی اپنی خلافت یا امامت کے استدلال میں پیش نہیں کیا۔

اس واقعہ کا پورا پس منظر معلوم ہو تو اس سے حضرت علی کی خلافت یا امامت کا کوئی استدلال بنتا بھی نہیں۔

ہمارا موقف واضح ہو کر سامنے آگیا ہے۔ یہ فورم مباحثہ کا نہیں، سوالات و جوابات کا ہے۔ مزید بحث نہیں کی جائے گی۔ شکریہ