Restrictions On A Mother After Giving Birth Called Chilla

[Dr. Irfan Shahzad]

بچے کی پیدایش کے بعد چونکہ خون جاری رہتا ہے، اس لیے شوہر کے ساتھ تعلق قائم کرنا پاکیزگی کے خلاف ہے۔ اس کے علاوہ کوئی پابندی دین کی طرف سے نہیں ہے۔

[Tanveer Mughal]

چالیس دن چھلے کی مدت کیا زیادہ سے زیادہ مدت ہے جس میں میاں بیوی آپس میں تعلق قائم نہیں کرسکتے یا پھر اگر اس سے پہلے خون آنا بند ہو بھی جائے تب بھی یہ مدت پوری کرنا ضروری ہے؟اور اگر چالیس دن کے بعد بھی کچھ خون آتا رہے ہے تو کیا تب بھی تعلق قائم نہیں کیا جا سکتا؟ اس کے علاوہ عام دنوں میں اگر کسی عورت کو ایک قطرہ برابر خون یا کچھ پانی معمول میں آتا ہو تو کیا یا تب بھی تعلق قائم کیا جا سکتا ہے یا نہیں؟

[Dr. Irfan Shahzad]

چالیس دن زیادہ سے زیادہ مدت بیان کی جاتی ہے جو انسانی تجربہ پر مشتمل ہے۔ اس سے پہلے خون رک جائے تو میاں بیوی تعلق قائم کر سکتے ہیں۔ اس کے لیے اصل طریقہ تو یہ ہی ہے کہ خاتون کے غسل کے بعد یہ تعلق قائم کیا جائے البتہ صرف خون رک جانے پر بھی تعلق قائم کرنا جائز ہے۔

مولانا اصلاحی لکھتے ہیں:

’’اِس آیت میں ’طُھْر‘ اور ’تَطَھُّر‘ دولفظ استعمال ہوئے ہیں ۔ طہر کے معنی تو یہ ہیں کہ عورت کی ناپاکی کی حالت ختم ہو جائے اور خون کا آنا بند ہو جائے اور تطہر کے معنی یہ ہیں کہ عورت نہا دھو کر پاکیزگی کی حالت میں آ جائے ۔آیت میں عورت سے قربت کے لیے طہر کو شرط قرار دیا ہے اور ساتھ ہی فرمادیا ہے کہ جب وہ پاکیزگی حاصل کر لیں ، تب اُن کے پاس آؤ۔ جس سے یہ بات نکلتی ہے کہ چونکہ قربت کی ممانعت کی اصلی علت خون ہے ، اِس وجہ سے اُس کے انقطاع کے بعد یہ پابندی تو اٹھ جاتی ہے ، لیکن صحیح طریقہ یہ ہے کہ جب عورت نہا دھو کر پاکیزگی حاصل کر لے ، تب اُس سے ملاقات کرو۔ ‘‘ (تدبر قرآن ۱/ ۵۲۶)

عام دنوں میں جو کبھی خون کا قطرہ وغیرہ آ جائے تو اسے نظر انداز کر دینا چاہیے۔ یہ چیز تعلق کی ممانعت پیدا نہیں کرتی۔