-
Entering Islam Completely
قرآن میں ہے کہ مکمل طور پر دین میں داخل ہو جاؤ۔
اگر ایک بندہ یا بندی دین کے کسی حکم پر عمل پیرا نہیں ہے جیسے ایک بندہ نماز نہیں پڑھتا یا ایک عورت قرآن کے بتائے گئے پردے کے آداب کی حلاف ورزی کرتی ہو اور باقی دین کے معاملات کرتا یا کرتی ہو جیسے زکوۃ دینا لوگوں کی خدمت کرنا وغیرہ تو کیا اس طرح کا بندہ یا بندی اپنے آپ کو مسلمان کہہ سکتا یا سکتی ہے۔
-
1 Reply
-
Entering Islam Completely
updated 4 years, 3 months ago
2 Members
·
1
Reply
-
جی مسلمان تو وہ کہلائے گا۔ اسی لیے قرآن نے ایمان والوں کو ایمان والا کہہ کر انھیں مکمل طور پر دین میں داخل ہونے کا کہا ہے۔
اسلام ایک رویے کا نام ہے جو جب کوئی حکم خدا اور رسول کی طرف سے ثابت ہو کر پہنچ جائے تو اس کو لازما اختیار کر لیا جائے۔ اس میں کمی کوتاہی دائرہ اسلام سے خارج نہیں کرتی مگر ناقص مسلمان بناتی ہے۔
باقی رہا پردے کا معاملہ تو اسلام میں پردے سے متعلق کوئی الگ سے احکام نہیں ہیں۔ مرد وعورتوں کے اختلاط کے آداب جو سورہ نور آیت 30 اور اکتیس میں بیان ہوئے ہیں، ان کے مطابق جب مرد و خواتین کا آمنا سامنا ہو تو وہ اپنی نظروں اور اندیشے کی جگہوں کی حفاظت کریں۔ خواتین سے زیب و زینت کر رکھی ہے تو اسے ڈھانپ لیں۔ البتہ اس زینت میں سے جو عام طور پر کھلا اور ظاہر رہتا ہے اسے چھپانے کی زحمت کرنے کی ضرورت نیہں اور اس میں ہاتھ پاؤں اور چہرہ شامل سمجھے گئے ہیں جنھیں چھپانے کی ضرورت نہیں۔گھر سے باہر نکلتے وقت پروقار لباس کافی ہے جسے عورت کے معزز ہونے کا احساس ہو جائے۔
Sponsor Ask Ghamidi
