-
شرک کے علاوہ سب گناہ معاف ہوجائیں گے ؟
برائے مہربانی اس آیت کی مفصل تشریح کردیں :
*اِنَّ اللّٰہَ لَا یَغۡفِرُ اَنۡ یُّشۡرَکَ بِہٖ وَ یَغۡفِرُ مَا دُوۡنَ ذٰلِکَ لِمَنۡ یَّشَآءُ ۚ 4:48 النساء*
*بےشک اللہ تعالیٰ شرک کو معاف نہیں کرتا ہے اور اس کے شرک کے سوا دوسرے جس قدر گناہ ہیں وہ جس کے لیے چاہتا ہے معاف کر دیتا ہے۔*
شراب پینا، زنا بالرضا کرنا وغیرہ، یعنی ایسے بڑے بڑے گناہ جو حقوق اللہ سے متعلق ہیں اور حقوق العباد سے متعلق نہیں ہیں وہ اللہ تعالٰی بغیر توبہ کے معاف کر دے گا ؟؟
کیونکہ توبہ سے تو شرک بھی معاف کر دے گا۔ اس آیت کا مطلب تو یہ ہوا کہ بغیر توبہ کے شرک کے سوا سب گناہ خواہ کتنے بڑے بڑے کیوں نہ ہوں اللہ معاف کردے گا۔ حقوق العباد والے گناہ کے بارے میں تو معلوم ہے کہ وہ انسانوں سے معافی مانگنے ہوگی۔
پوچھنا یہ ہے کہ اس آیت کی رو سے کیا اللہ تعالٰی بڑے بڑے گناہ جو حقوق العباد سے متعلق نہیں ہیں کیا انہیں بغیر توبہ کے معاف کر دے گا جیسے زنا بالرضا، شراب، جواء، فحاشی وغیرہ ؟
-
4 Replies
-
شرک کے علاوہ سب گناہ معاف ہوجائیں گے ؟
updated 5 days, 12 hours ago
2 Members
·
4
Replies
-
کسی بھی آیت یا نص کو دین کے مجموعی فریم میں رکھ کر دیکھا جاتا ہے۔
بڑے گناہ بغیر توبہ کے معاف نہیں ہوتے۔ شرک ان میں سے ایک ہے۔
آیت میں یہ نہیں کہا گیا کہ شرک کے علاوہ سب گناہ معاف ہو سکتے ہیں، یہ کہا ہے کہ شرک کے نیچے جتنے گناہ ہیں وہ معاف ہو سکتے ہین۔ شرک سرکشی کا گناہ ہے، سرکشی کا ہر گناہ ناقابل معافی ہے جب تک توبہ نہ کر لی جائے۔
-
اس آیت 4:48 کا درست ترجمہ کیا ہوگا ؟
آیت کے ظاہری ترجمہ سے بظاہر یہی لگ رہا ہے کہ شرک کے علاوہ دوسرے سب گناہوں کی معافی ہوجائیگی۔
آپ نے فرمایا ہے کہ شرک سے کمتر گناہ معاف ہوجائیں گے۔ تو شرک سے کمتر کا لفظ کس عربی لفظ کا ترجمہ ہے ؟
-
اللہ اِس بات کو نہیں بخشے گا کہ (جانتے بوجھتے کسی کو) اُس کا شریک ٹھیرایا جائے۔ اِس کے نیچے، البتہ جس کے لیے جو گناہ چاہے گا، (اپنے قانون کے مطابق) بخش دے گا، (البیان، غامدی)
دون کا مطلب علاوہ بھی ہوتا ہے اور کم تر بھی۔
-
جزاک اللہ خیرا ڈاکٹر صاحب
Sponsor Ask Ghamidi
