-
Surah Al Aaraf Verse 32-33 – Application Of Zeenat
Assalamualaikum!
Surah Al Aaraf verse 32-33:
اے بنی آدم! ہر مسجد کی حاضری کے وقت اپنے لباس پہنو اور کھاؤ پیو البتہ اسراف نہ کرو۔ خدا اسراف کرنے والوں کو پسند نہیں کرتا۔ پوچھو، کس نے حرام ٹھہرایا ہے اللہ کی اس زینت کو جو اس نے اپنے بندوں کے لیے پیدا کی اور رزق کی پاکیزہ چیزوں کو؟
آیت کے سیاق سے معلوم ہوتا ہے کہ یہاں مسجد کی حاضری کے وقت لوگوں کی بلاوجہ بنائی ہوئی حرمتوں کی تردید کی گئی ہے۔ اور وہ زینت سے مراد لباس اور کھانے کی چیزیں ہیں۔
جبکہ تفسیر میں غامدی صاحب نے یہاں آواز کی زینت مطلب گانے تک کو شامل کیا ہے۔
اسکی کیا وجہ ہے؟
-
3 Replies
-
Surah Al Aaraf Verse 32-33 – Application Of Zeenat
updated 1 month, 1 week ago
2 Members
·
3
Replies
-
سیاق و سباق اس آیت میں مذکور زینت کو لباس تک محدود نہیں کرتا۔ لباس کی زینت سے ایک موقع پیدا ہوا تو اللہ تعالیٰ نے زینتوں سے متعلق اپنا نقطہ نظر بتا دیا ہے جس میں تمام زینتیں شامل ہیں۔ اس کے ساتھ ہی طیبات سے متعلق بھی اپنا نقطہ نظر بتا دیا کہ جس طرح انھیں کوئی حرام نہیں کر سکتا ایسے کسی بھی طرح کی زینتوں کو حرام نہیں کر سکتا۔ آگے پھر یہ بتایا ہے کہ چیزوں میں حرمت پیدا ہونے کے کیا اسباب ہیں۔ بلا وجہ حرمتیں پیدا نہیں کی جا سکتیں۔
-
Surah Ahzab Verse 33-34:
اور اپنے گھروں میں ٹک کے رہو، اور سابقہ جاہلیت کے سے انداز اختیار نہ کرو۔ اور نماز کا اہتمام رکھو اور زکوٰۃ دیتی رہو اور اللہ اور اس کے رسول کی اطاعت کرو۔ اللہ تو بس یہ چاہتا ہے، اے اہل بیت نبی! کہ تم سے آلودگی کو دور کرے اور تمہیں اچھی طرح پاک کرے۔ اور تمہارے گھروں میں اللہ کی آیات اور حکمت کی جو تعلیم ہوتی ہے اس کا چرچا کرو۔ بے شک اللہ نہایت ہی باریک بین اور خبر رکھنے والا ہے۔
کیا ان آیات میں بھی یہ بات کہی جاسکتی ہے کہ موقع پیدا ہوا تو اس سے منسلک کر کے ازواج مطہرات کو ایک حکم دیدیا مگر آگے اہلبیت کے خطاب میں اصلاً تمام اہل بیت بشمول حضرت حسنین اور حضرت علی اور سیدہ فاطمہ بھی شامل ہیں؟
-
اہل بیت کے لفظ میں بیویاں ہی شامل سمجھی جاتی ہیں۔ اہل یت سے اگر دیگر گھر والے بھی مراد ہوں تو اس کی وضاحت درکار ہوتی ہے جو اس آیت میں نہیں ہے۔
سیاق و سباق سے واضح ہے کہ منافقین کی طرف سے پراپیگنڈا مہم کا نشانہ ازواج نبی بن رہی تھیں۔ انھیں کو ان منافقین کی پھیلائی گندگی سے پاک رکھنے کے لیے احکام دیے گئے اور پھر کہا گیا کہ اللہ یہ چاہتا ہے کہ تمھیں اس گندگی سے پاک رکھے۔
Sponsor Ask Ghamidi
