-
نفل نماز میں سجدہ سہو
کیا صرف فرض نماز میں سجدہ سہو ہوتا ہے یا نفل نماز میں بھی سجدہ سہو ہوتا ہے
-
13 Replies
-
نفل نماز میں سجدہ سہو
updated 1 month, 3 weeks ago
2 Members
·
13
Replies
-
سجدہ سہو غلطی ہونے کے بعد ہو تا ہے چاہے وہ فرض میں ہوئی ہو یا نفل میں ۔
-
نماز کے بعد سلام پھیرنے کے بعد سجدہ سہو کریں تو پہلی تکبیر کے ساتھ رفع الیدین کریں گے یا نہیں
-
اگر سلام پھیرنے کے بعد سجدۂ سہو کرنا ہو تو جمہور فقہاء کے نزدیک سجدے میں جاتے وقت صرف تکبیر کہی جائے گی اور رفع الیدین نہیں کیا جائے گا، کیونکہ یہ نئی نماز کی ابتدا نہیں بلکہ اسی نماز کی تکمیل ہے۔ لہٰذا عام سجدے کی طرح اللہ اکبر کہہ کر سجدے میں جائیں گے، ہاتھ نہیں اٹھائیں گے۔
-
-
اگر رکعت رہ گئی ہے تو وہ رکعت شروع کرتے وقت رفع الیدین کریں گے
-
اگر کسی کی ایک یا زیادہ رکعت رہ گئی ہو اور امام کے سلام کے بعد وہ اپنی رہ گئی رکعت پوری کرنے کے لیے کھڑا ہو تو جمہور فقہاء کے نزدیک کھڑے ہوتے وقت صرف تکبیر کہی جائے گی اور رفع الیدین نہیں کیا جائے گا، کیونکہ یہ نئی نماز کی ابتدا نہیں بلکہ اسی نماز کی تکمیل ہے۔البتہ بعض اہلِ علم کے نزدیک چونکہ وہ کھڑا ہونا ایک نئے قیام کی طرح ہے اس لیے رفع الیدین کیا جا سکتا ہے، مگر راجح اور معمول بہ قول یہی ہے کہ صرف تکبیر کہہ کر کھڑے ہو جائیں، ہاتھ نہ اٹھائیں۔
-
میرا مطلب ہے کہ اگر غلطی سے چار رکعت والی نماز میں دوسری یا تیسری رکعت میں سلام پھیر دیا تو جو ایک یا دو رکعت رہ گئی وہ جب بعد میں یاد آنے پر پڑھنی شروع کرے گا اس میں رفع الیدین کریگا یا نہیں
-
نماز یوں قسطوں میں ادا نہیں ہوتی ۔اگر آپ نے 4 والی میں دو رکعات پڑھیں تو یاد آنے پر چار دوبارہ ادا کریں گے ۔
-
حدیثِ میں تو ہے نہ کہ رسول اللہ صلی اللہ علیہ وسلم نے چار رکعت والی نماز میں تیسری رکعت میں سلام پھیر دیا تو توجہ دلانے پر آپ نے ایک رکعت پڑھی پھر سجدہ سہو کیا
-
کیا آپ سند اور حوالہ بتا کر میرے علم میں اضافہ کر سکتے ہیں ؟
-
صحیح مسلمکتاب: مساجد اور نماز پڑھنے کی جگہوں کا بیانباب: نماز میں بھولنے اور اس کے لئے سجدہ سہو کرنے کے بیان میںحدیث نمبر: 1293
ترجمہ:ابوبکر بن ابی شیبہ، زہیر بن حرب، ابن علیہ، زہیر، اسماعیل بن ابراہیم، خالد، ابی قلابہ، ابی مہلب، عمران بن حصین ؓ سے روایت ہے کہ رسول اللہ ﷺ نے عصر کی نماز پڑھائی تو آپ ﷺ نے تین رکعات کے بعد سلام پھیر دیا پھر اپنے گھر تشریف لے جانے لگے تو آپ ﷺ کی طرف ایک آدمی کھڑا ہوا جسے خرباق کہا جاتا ہے اور اس کے ہاتھ بھی لمبے تھے اس نے کہا اے اللہ کے رسول! پھر آپ ﷺ نے جو کیا وہ آپ ﷺ کو اس نے یاد دلا دیا آپ ﷺ غصہ میں اپنی چادر کھنچتے ہوئے نکلے اور لوگوں تک پہنچ گئے پھر آپ ﷺ نے فرمایا کیا یہ سچ کہتا ہے لوگوں نے کہا کہ ہاں پھر آپ ﷺ نے ایک رکعت پڑھائی پھر سلام پھیرا پھر دو سجدے کئے پھر سلام پھیرا۔ -
اور میں معذرت خواہ ہوں پہلے غلط جواب دینے کی وجہ سے ۔ یہ غامدی صاحب کی کتاب میزان کے دو صفحے ہیں ۔
-
معذرت کی کوئی ضرورت نہیں مجھے تو بس یہ بات سمجھ نہیں آئی تھی کہ رسول اللہ صلی اللہ علیہ وسلم نے جو بعد میں ایک رکعت پڑھی وہ نئے سرے سے تکبیر کہ کر رفع الیدین کرکے پڑھنی چاہیے یا خاموشی سے کھڑے ہو کر سورہ فاتحہ سے شروع کرنی چاہیے
-
،اوپر ایک رکعات پڑھی یہ لکھا ہے ۔نئے سرے سے شروع میں رفع الدین کرنا چاہئے۔میری یہ رائے ہے کیونکہ الفاظ سے یہ اشارہ نکالتا ہے ۔
Sponsor Ask Ghamidi
