-
**ڈیجیٹل زر، سٹا بازی اور معاشی کنٹرول کا جائزہ**
> کرپٹو کرنسی کی قدر و قیمت میں اندازوں اور اٹکل پچی کا عنصر بہت زیادہ نمایاں ہے۔ کیا یہ سٹا بازی اس میں کی جانے والی سرمایہ کاری کو جوئے کی شکل نہیں دے دیتی؟ یہ بات سچ ہے کہ اگر زر کا وجود مجرد یا غیر محسوس ہو تو اسلام کو اس پر کوئی اعتراض نہیں ہوتا، لیکن یہاں مسئلہ اس کے مجرد ہونے کا ہے ہی نہیں۔> زر خواہ کوئی بھی ہو، اس کی قدر کا اختیار اور دیکھ بھال حکومتوں یا مرکزی بینکوں کے پاس ہونی چاہیے کیونکہ افراطِ زر اور معاشی استحکام کی ذمہ دار حکومتیں ہی ہوتی ہیں۔ اس کے برعکس، کرپٹو کرنسی اپنے دعوے میں ہی غیر مرکزی ہے، جس کا مطلب ہے کہ حکومت اس کو کنٹرول نہیں کر سکتی۔> اس دلیل کا مقابلہ کرنے کے لیے اس کے حامی اسے زر کے بجائے اثاثہ قرار دے دیتے ہیں۔ لیکن پھر کیا کسی ایسی چیز کو اثاثہ کہنا درست ہے جو اپنے دعوے میں تو زر ہو، مگر آپ عام بازار میں اس سے کوئی لین دین نہ کر سکیں؟ کیا ایسے اثاثے کی قیمت مکمل طور پر محض قیاس آرائی اور اٹکل پچی پر مبنی نہیں ہوتی؟>
-
5 Replies
-
**ڈیجیٹل زر، سٹا بازی اور معاشی کنٹرول کا جائزہ**
updated 10 hours, 49 minutes ago
2 Members
·
5
Replies
-
یہ انتظامی مسئلہ ہے۔ حکومت چاہے تو موجودہ کرنسی نوٹوں کے بارے میں اپنی ضمانت منسوخ کر دے تو یہ نوٹ بھی کاغذ کے پرزے قرار پائیں گے۔
کرپٹو کرنسی کی پابندی پر حکومت نے کوئی اقدام نہیں کیا تو جن لوگوں کے درمیان یہ قابل اعمتاد ہے وہ اس پر لین دین کر سکتے ہیں۔ یہ ان کا باہمی مسئلہ ہے۔ حکومت جب پابندی عائد کر دے گی لوگ خود اسے چھوڑ دیں گے۔
-
شاید میں اپنا سوال اچھے طریقے سے واضح نہیں کر سکا۔ میرا مقصد یہ پوچھنا نہیں تھا کہ حکومت کو کیا کرنا چاہیے یا کیا نہیں، اور نہ ہی یہ جاننا تھا کہ اس کا لین دین جائز ہے یا ناجائز۔ میرا سادہ سا سوال یہ ہے کہ جس خرید و فروخت میں قیاس آرائی اور اندازوں کا عنصر شامل ہو، کیا وہ جوئے کی ایک شکل نہیں بن جاتی؟ برائے مہربانی تھوڑی دیر کے لیے کرپٹو کرنسی کو نظر انداز کر دیجیے۔
-
جوا الگ چیز ہے۔ جوے میں آپ کسی سے کوئی چیز لیتے ہیں تو اس کے بدلے کچھ نہیں دیتے۔
رہا کاروبار جس میں کسی چیز کا لین دین ہوتا ہے، اس میں قیاس آرائی کا عنصر موجود رہتا ہے۔ ایک چیز لی جاتی ہے تو یہ اندازہ کیا جاتا ہے کہ کتنے لوگ اس کے خریدار ہو سکتے ہیں اور کتنے منافع پر اسے بیچنے کامیاب رہے گا۔ بعض اوقات اس میں غلطی ہو جاتی ہے۔
-
> مرکزی بینک کا اس پر کنٹرول نہ ہونے کی وجہ سے اس میں قیاس آرائی کا عنصر کچھ نہیں بلکہ سو فیصد ہے۔
>
-
> جیسے بحریہ ٹاؤن کے پلاٹ کی فائل میں ایک دو لاکھ روپے کی قیمت صرف قیاس آرائی کی وجہ سے بڑھ جاتی ہے تو اسے اس لیے قبول کر لیا جاتا ہے کیونکہ پلاٹ ایک حقیقی چیز ہے۔ اس کے برعکس، ڈیجیٹل زر کے معاملے میں یہ کوئی حقیقی چیز نہیں ہے کیونکہ عام بازار میں اس سے کچھ نہیں خریدا جا سکتا، اس لیے اس کی قیمت سو فیصد قیاس آرائی پر مبنی ہے۔>
Sponsor Ask Ghamidi
