-
WILL OF GOD
السلام علیکم
عام طور پر یہ بات کہی جاتی ہے کہ ’’خداوند کی مرضی کے بغیر ایک پتہ بھی نہیں ہلتا۔‘‘ اگر خداوند کی مرضی کے بغیر ایک پتہ بھی نہیں ہلتا تو پھر یہ سوال پیدا ہوتا ہے کہ دنیا میں اتنا دکھ، اتنی بھوک اور اتنی مجبوری ہے وہ خداوند کی مرضی سے ہو رہی ہے۔
وہ یہ سب دیکھ رہا ہے، اور اگر یہ سب اس کی مرضی سے ہو رہا ہے تو سوال یہ پیدا ہوتا ہے کہ جب سب کچھ اس کی مرضی سے ہو رہا ہے تو پھر سزا مجھے کیوں ملے گی؟
مثلاً افغانستان میں عورتوں کے ساتھ جو کچھ ہو رہا ہے، یا جو قاتل لوگوں کو قتل کر دیتے ہیں، تو اتنا سب کچھ اگر خداوند کی مرضی سے ہو رہا ہے، تو پھر ان اعمال کی ذمہ داری انسان پر کیوں عائد ہوگی؟ ہم تو یہ نہیں چاہیں گے کہ ہماری مرضی سے کوئی شخص قتل ہو، کسی شخص کے ساتھ زیادتی ہو یا کوئی شخص
پریشان ہو۔
کیا ایک مسلمان مرد اور عورت کا نکاح کسی Agnostic سے ہو سکتا ہے؟
-
2 Replies
-
WILL OF GOD
updated 1 week ago
2 Members
·
2
Replies
-
مرضی اور حکم میں فرق ہے۔ دنیا کو خدا نے آزمایش کے لیے پیدا کیا اور اس میں علت و معلول کا تعلق پیدا کیا اور انسان کو ارادہ دیا۔ اس نے یہ امکانات پیدا کر دیے کہ علت و معلول کے تعلق سے جو نتائج برپا ہوں وہ مثبت و تعمیری بھی ہو سکتے ہیں اور تخریبی بھی۔ اسی طرح ارادہ کے مثبت اور منفی استعمالات کے امکان بھی اس نے پیدا کیے۔ ان معنوں میں کہا جاتا ہے کہ جو بھی ہوتا ہے اسی کی مرضی سے ہوتا ہے کیونکہ اس کی مرضی یہی تھی کہ اس کے بنائے دائرے کے اندر سب آزادانہ ہوتا ہو۔
ارادہ کے استعمال پر کوئی پابندی چونکہ نہیں، اس لیے اس کے اچھے یا برے استعمال کی ذمہ داری انسان پر ہے۔ اس کا ضمیر اسے بتاتا ہے کہ وہ اچھا کام کررہا ہے یا برا۔
-
ہر سوال الگ پوسٹ میں پوچھیے۔
Sponsor Ask Ghamidi
