Ask Ghamidi

A Community Driven Discussion Portal
To Ask, Answer, Share And Learn

Home › Forums › General Discussions › سوال: دینی مطالعہ اور آخرت کا احساس میرے اندر سکون کے بجائے خوف اور ذہنی بے چینی

  • سوال: دینی مطالعہ اور آخرت کا احساس میرے اندر سکون کے بجائے خوف اور ذہنی بے چینی

    Posted by Saif Ullah on November 13, 2026 at 12:29 pm

    ‎‎السلام علیکم!‎‎میرا ایک ذاتی مسئلہ ہے جس پر محترم غامدی صاحب کی رہنمائی درکار ہے۔‎جب میں قرآن مجید کا مطالعہ کرتا ہوں، دین کو سمجھنے کی کوشش کرتا ہوں اور اپنی اصلاح کی نیت سے اس کائنات، زندگی، موت اور آخرت کے حقائق پر غور کرتا ہوں تو مجھے توقع ہوتی ہے کہ اس سے میرے اندر اطمینان، سکون اور عمل کا جذبہ پیدا ہوگا۔ لیکن میرے ساتھ اس کے برعکس ہوتا ہے۔‎میری زندگی پہلے ہی مختلف پریشانیوں اور مسائل سے دوچار ہے۔ ایسے میں جب میں آخرت کے حساب، اللہ تعالیٰ کی جواب دہی اور اپنی کوتاہیوں پر غور کرتا ہوں تو میرے اندر سکون کے بجائے خوف، گھبراہٹ اور ذہنی دباؤ بڑھنے لگتا ہے۔ بعض اوقات یہ کیفیت اس حد تک پہنچ جاتی ہے کہ کچھ کام کرنے کے لیے ہمت ہی نہیں رہتی۔‎اس ذہنی دباؤ سے بچنے کے لیے میں دوبارہ لہو و لعب اور بعض گناہوں کی طرف چلا جاتا ہوں۔ وقتی طور پر ان چیزوں سے دل بہل جاتا ہے اور اپنی پریشانیوں سے توجہ ہٹ جاتی ہے، لیکن اندرونی بے چینی اور آخرت کی فکر ختم نہیں ہوتی۔ پھر یہی احساس مجھے دوبارہ دین کی طرف متوجہ کرتا ہے، میں اپنی اصلاح کی کوشش شروع کرتا ہوں، لیکن کچھ عرصے بعد پھر وہی خوف، ذہنی دباؤ اور فرار کا سلسلہ شروع ہوجاتا ہے۔‎گویا میں ایک دائرے میں پھنس کر رہ گیا ہوں: دین کی طرف رجوع کرتا ہوں تو خوف اور بے چینی بڑھتی ہے، ان سے بچنے کے لیے گناہوں اور غفلت کی طرف جاتا ہوں تو آخرت کی فکر دوبارہ پریشان کرنے لگتی ہے۔‎میرا سوال یہ ہے کہ:‎1. کیا قرآن مجید اور آخرت کی یاد سے پیدا ہونے والا میرے اندر یہ خوف دینی اعتبار سے مطلوب کیفیت ہے، یا اس میں کوئی نفسیاتی عدم توازن بھی شامل ہوسکتا ہے؟‎2. دین انسان کو اللہ تعالیٰ کی طرف رجوع، امید، سکون اور عمل کی قوت دینے کے بجائے اگر مسلسل خوف اور ذہنی مفلوجی میں مبتلا کردے تو اس کیفیت کو کیسے سمجھنا چاہیے؟‎3. قرآن مجید میں اللہ تعالیٰ کی رحمت، مغفرت اور امید کے پہلوؤں کو اپنی عملی زندگی میں کس طرح متوازن رکھا جائے تاکہ خوف مجھے مایوس اور شل کرنے کے بجائے اصلاح اور عمل پر آمادہ کرے؟‎4. ایسی کیفیت میں قرآن کا مطالعہ، عبادت اور اپنی اصلاح کی کوشش کس انداز سے جاری رکھنی چاہیے؟‎میں دین سے فرار نہیں چاہتا بلکہ اپنی اصلاح کرنا چاہتا ہوں، لیکن یہ سمجھ نہیں پا رہا کہ دین کے ساتھ ایسا تعلق کیسے قائم کروں جو مجھے خوف اور مایوسی کے بجائے اللہ تعالیٰ سے قریب کرے اور زندگی کے مسائل کا سامنا کرنے کی ہمت بھی دے۔‎۔

    Dr. Irfan Shahzad replied 23 hours, 41 minutes ago 2 Members · 1 Reply
  • 1 Reply
  • سوال: دینی مطالعہ اور آخرت کا احساس میرے اندر سکون کے بجائے خوف اور ذہنی بے چینی

  • Dr. Irfan Shahzad

    Scholar November 18, 2026 at 1:44 am

    خوف تب ہو جب آدمی نے گناہ کبیرہ کیے ہوں۔ خدا کا معافی کا قانون دیکھ لیجیے۔

    گناہ کبیرہ سے بچتے رہیں تو خدا چھوٹے گناہ خود معاف کر دیتا ہے۔

    گناہ کبیرہ اگر وقتی جذبات سے مغلوب ہو کر سرزد ہو جائیں اور فورا معافی مانگ لی جائے تو لازما معاف ہو جاتے ہیں۔

    فرائض کی پابندی ہے اور حلال و حرام میں فرق کرتے ہین تو پھر کسی ڈر کی ضرورت نہیں۔

    خدا کو لوگوں کو سزا دینے میں دلچسپی نہیں وہ معاف کرنے کی طرف مائل رہتا ہے۔

You must be logged in to reply.
Login | Register