-
Quran 47:4 – Different Interpretation By Traditional Scholars Regarding Slavery
1. Islam me londiyon ke sath sex ki ijazat thi toh kya abhi bhi koi londi bana sak koi yeh kahe ki abhi bhi jaiz hei toh thik hoga
2. Jung me dusman o ki aurat ko londi banana aur unke sath sex ki permission kya yeh bat ribayat me sahi hei kyki yeh bhi toh rape ki jaisa hee hoga agar zabardasti kisiko Aisa kare qaidi bana ek alag bat hei
3. as I understood ghamidi sab pov ke Islam ne gulami ko khatam karne ki hee logo ko kaha hei par direct quran me kaga mention hei..?
@UmerQureshi please Hindi me he thik se explain kare taki me dusre apne cousin o ko bhi samjha paou aur ghamidi sab ke is issue par koi pura in sab aitraaz par koi video hei toh link de
-
4 Replies
-
Quran 47:4 – Different Interpretation By Traditional Scholars Regarding Slavery
updated 2 years, 4 months ago
2 Members
·
4
Replies
-
Is par bhot tafseeli guftugu mojud hai. Aap neechay diya gaye links par saari videos daikh lain, us main jawab mojud hai:
-
ek sawal kuch log kehte hei Jung me qadi o ko gulam banane ki bat hadith o me hei agar muslim o ke amir ho aur kisi Jung me koi qaidi ban jaye toh 4 option aya hei hadith o me 1,agar woh log criminal jaise ho aur unse khatra ho toh unhe qatal kar sakte hei , 2 .dusra jizya Lena , 3 gulam banana 4 ap jaise chahe chor do
is video ke 50 -51:38 minutes me yeh bat kahi hei slavery ke discussion me aisa kyo hei ulma o ke najdik kya isme bhi ikhtilaf hei quran me wajeh ayat ane ke bad bhi .?
-
Aik cheez asooli baat hai aur aik itlaaqi baat.
Quran main Asool hai aur Hadith main itlaq. Ab agar koe italq ko daikh kar asool nikalay toh poora andesha hai kai asool ghalat bh nikalay jaa saktay hain.
Laikin agar Quran kai bataye gaye asool ko daikh kar itlaq ko samjha jaye toh phir masla nhi hota.
Quran nai Asool bataya Jizya aur Qatal ka kai Mushriqeen Qatal hon gai aur Ahl-e-Kitab Jizya dain hai. Yai hai Itmam-e-hujjat kai tehat Akhri Azab ka asool.
Doosra Asool hai aam jangon ka, jin main abhi itmam-e-hujjat ka akhri azab nazil nhi hua. Woh asool hai kai agar jangi qaidi ko chornay ka faisla karliya jaye toh ya toh woh fidya dai kar chor diya jayne ya phir ehsan kai tor pai. Tab tak unhain jangi qaida rakha jaye ga, ghulam nhi banaya jayega. Naye Ghulam nhi banaye jain gai, laikin jo pehlay sai ghulam hain, unko ghulam hi samjha jayega jab tak woh muqatbat na kar lain ya phir unkai malik unhain riha na kar dain.
Ab agar itlaq main Ahdith ko daikha jaye toh us main yai sb hota nazar aata hai: Qatal, Jizya, Fidya, Ghulami, Riha karna etc.
Is sai koe bh shaks agar asool nikalay ga toh wohi nikalay ga jo hafiz ibn-e-hijr nai nikala. Laikin agar Quran sai laikar chala jaye toh har cheez kai itlaq ko uskai apnay mehal main samjha jaa sakta hai. Doosra un ulema kai nazdeek Surah Muhammad waali ayat aik doosri ayat sai mansukh hogae hai jis main mushroqon ki qatal karnay ka hukam hai (qanoon e itmam-e-hujjat kai akhri azab kai tehat).
Jahan tak tarikhi rawayat ka talluq hai, un main Hazoor (sws) ka uswa bilkul Surah Muhamamd ki ayat kai mutabiq hai. Tafseel kai liya daikhain:
Jahan tak baad main Musalmanon ka Ghulam bananay ka talluq hai, uskai lai neechay waalay responses sunain:
-
-
please yeh bat ho sake toh clear kar de kya surah Muhammad me jo ayat ayi hei ehsan ke taur par ya fidiya dekar chor de log phir kyo uske bad gulam banate the kya hadith o me koi dusri bat ayi hei … upaer ki gayi swal bhi shamil kar le
Sponsor Ask Ghamidi
