-
Quran 15:29 – Prophet Adam (sws) Given Knowledge Of Things
کیا اللہ تعالیٰ نے آدم کو علم الاشیاء نہیں دیا ؟؟ اگر دیا تو قرآن کی کس آیت سے اسکے بارے میں پتہ چلتا ہے ؟؟
کیا مندرجہ ذیل آیت میں اللہ کے روح میں سے پھونکنا علم الاشیاء کا احاطہ کرتا ہے ؟؟
فَاِذَا سَوَّیْتُهٗ وَ نَفَخْتُ فِیْهِ مِنْ رُّوْحِیْ فَقَعُوْا لَهٗ سٰجِدِیْنَ(۲۹)
-
12 Replies
-
Quran 15:29 – Prophet Adam (sws) Given Knowledge Of Things
updated 1 year, 10 months ago
3 Members
·
12
Replies
-
وَ عَلَّمَ اٰدَمَ الۡاَسۡمَآءَ کُلَّہَا ثُمَّ عَرَضَہُمۡ عَلَی الۡمَلٰٓئِکَۃِ ۙ فَقَالَ اَنۡۢبِـُٔوۡنِیۡ بِاَسۡمَآءِ ہٰۤؤُلَآءِ اِنۡ کُنۡتُمۡ صٰدِقِیۡنَ
اور (اُنھیں سمجھانے کے لیے) آدم کو سب نام سکھا [75] دیے۔ پھر (جن کے نام سکھائے)، اُن ہستیوں کو فرشتوں کے سامنے پیش کیا۔ پھر فرمایا: مجھے اِن لوگوں کے نام بتاؤ، [76] اگر تم (اپنے اِس خیال میں) سچے [77] ہو۔
(Quran 2:31)
_____
[75]. اصل الفاظ ہیں: ’عَلَّمَ اٰدَمَ الْاَسْمَآءَ کُلَّھَا‘۔ اِن میں ’اَسْمَآء‘ پر الف لام عہد کا ہے اور مراد اِس سے آدم علیہ السلام کی ذریت میں سے، خاص کر اُن لوگوں کے نام ہیں جو اللہ تعالیٰ کے تفویض کردہ اختیارات پا کر خود بھی اُن کا حق ادا کریں گے اور دوسروں کو بھی اُن کا حق ادا کرنے کی ترغیب دیں گے، یہاں تک کہ اِس ذمہ داری کو پورا کرنے کے لیے بارہا اپنا سب کچھ قربان کر دیں گے، یعنی اولادِ آدم میں سے انبیا و رسل، مجددین، مصلحین اور شہدا و صدیقین۔
[76]. ’نام بتا ؤ‘ یعنی تعارف کراؤ۔ اِس مفہوم کے لیے یہ اسلوب ہماری زبان میں بھی معروف ہے۔
[77.]. یعنی اپنے اِس خیال میں کہ اولادِ آدم کو زمین کا اقتدار دیا گیا تو وہ اِس میں فساد برپا کر دے گی۔
(Excerpt from Al-Bayan: Javed Ahmed Ghamidi)
_______________________________________________
فَاِذَا سَوَّیۡتُہٗ وَ نَفَخۡتُ فِیۡہِ مِنۡ رُّوۡحِیۡ فَقَعُوۡا لَہٗ سٰجِدِیۡنَ
سو جب میں اُس کو ہر لحاظ سے درست کرلوں اور اُس میں اپنی روح میں سے پھونک دوں [60] تو تم سب اُس کے آگے سجدہ ریز ہو [61] جانا۔
(Quran 15:29)
______
[60]. یہ امور متشابہات میں سے ہے جن کی حقیقت اللہ کے سوا کوئی نہیں جانتا۔ تاہم اتنی بات واضح ہے کہ یہی وہ لطیف پھونک ہے جس سے انسان کے حیوانی وجود میں وہ چیز داخل ہوئی جسے انسان کہا جاتا ہے۔ ماں کے پیٹ میں بھی یہ اِسی مرحلے میں پھونکی جاتی ہے۔ اِس سے پہلے انسان، انسان نہیں ہوتا، صرف ایک حیوان ہوتا ہے جو تخلیق کے مختلف مراحل سے گزرکر انسانی شخصیت کے لیے ایک ایسا قالب بن جاتا ہے کہ اب اُس میں یہ روح پھونک دی جائے۔
[61]. ہ حکم امتحان کے لیے دیا گیا۔ اِس سے مقصود یہ تھا کہ آدم پر واضح ہوجائے کہ اصلی سرفرازی نور یا نار سے پیدا ہونے میں نہیں، بلکہ اللہ تعالیٰ کی اطاعت اور فرماں برداری میں ہے۔
(Excerpt from Al-Bayan: Javed Ahmed Ghamidi)
-
ان دونوں آیات، سورہ البقرہ اور سورہ الحجر کی، جو تشریح آپ نے لکھی ہے اس سے اللہ کی طرف سے حضرت آدم کو علم الاشیاء دینا ظاہر تو نہیں ہورہا ہے ؟؟
میرا سوال یہ ہے کہ انسانوں کو اشیاء کا علم دینا جو کہ بظاہر ایسا لگتا ہے کہ انسان میں مادی اشیاء کی کھوج کی خواہش موجود ہے، یہ قرآن کی کسی آیت سے ظاہر ہوتا ہے کہ نہیں ؟؟
کیا البقرہ کی آسماء کلھا میں مادی اشیاء شامل نہیں ہوسکتی ہیں ؟؟
-
جیسا کہ تشریح کی گئی۔ اس میں مادی اشیا کا علم شامل نہیں۔ انسان میں مادے کے علم کی جستجو اور خواہش ایک بدیہی حقیقت ہے اس کا بیان قرآن میں آنا ضروری نہیں۔
-
اوکے ٹھیک ہے۔
اس حوالے سے آخری بات یہ بتادیں کہ مادی علم کی جستجو اور اسے حاصل کرنے کے لئے کیا قرآن حوصلہ افزائی کرتا ہے یا خالصتاً یہ انسانی مرضی پر چھوڑ دیا گیا ہے ؟؟
-
یہ قرآن کا موضوع نہیں۔ ایسی چیزیں قران میں تلاش کرنا عبث ہے۔
-
Ok, thanks a lot
-
ہوسکتا ہے کہ آپ فطری علم (اضطراری علم) کا حوالہ دے رہے ہوں۔ قرآن میں اس کا ذکر نہیں ہے، لیکن یہ انسانی فطرت کا حصہ ہے۔ انسانی فطرت پر درج ذیل سیریز میں اس موضوع پر تفصیلی بحث کی گئی ہے۔
Please refer to the following thread (Specifically Episode-1 from 33:01 to 42:53) and Episode-2 from 24:05 to 26:13):
Following Videos/Article of Ghamidi Sahab also talk about this knowledge:
-
محترم جاوید غامدی صاحب نے Episode-2 from 24:05 to 26:13
میں جس فطری/ اضطراری علم کے انسان کے اندر ہونے کی بات کی ہے یہ بات قرآن میں کہاں بیان کی گئی ہے کہ اللہ نے یہ علم انسان کو دیا ؟؟
کیا یہ سورہ البقرہ کی الاسماء کلھاء کے ذیل کے تحت نہیں آئیگی؟؟ اگر نہیں تو پھر قرآن کی کس آیت میں انسانوں کو یہ علم دینے کی بات کی گئی ہے ؟؟
-
-
جہاں تک اچھائی اور برائی کے احساس کا تعلق ہے اس کا ذکر قرآن مجید میں ہے کہ خدا نے فطرت میں ودیعت کر رکھا ہے۔ دیکھیے 91: 7-8
وَنَفْسٍ وَمَا سَوَّاهَا
فَأَلْهَمَهَا فُجُورَهَا وَتَقْوَاهَا
-
سر، میری گفتگو کائینات میں موجود مادی اشیاء سے متعلق ہیں۔ محترم جاوید غامدی صاحب کی بات سے ظاہر ہے کہ اللہ تعالیٰ نے انسانوں کو مادی اشیاء کی حقیقت کو بھی جاننے اور سمجھنے کی قوت اور صلاحیت دی ہے۔ اسے وہ اضطراری علم سے تعبیر کر رہے ہیں۔
میرا صرف یہ پوچھنا ہے کہ یہ بات قرآن کی کس آیت میں کہی گئی ہے ؟؟
-
قرآن میں اس کا ذکر نہیں ہے۔ یہ انسانی فطرت کے استقرائی عمل سے ماخوذ ہے جیسا کہ مذکورہ ویڈیو میں بھی بیان کیا گیا ہے۔
-
-
Thanks a lot both of you gentlemen Dr. Irfan Shahzad sahib and Umer Qureshi sahib for explaining the topic.
Sponsor Ask Ghamidi
The discussion "Quran 15:29 – Prophet Adam (sws) Given Knowledge Of Things" is closed to new replies.
