یہ بات ٹھیک ہے کہ اتمام حجت کا مطلب سمجھنا ضروری ہے۔ اتمام حجت کرنے کے طریقے اور خود اتمام حجت ایک دوسرے سے کنفیوز کیے جا سکتے ہیں۔ جہاں تک رسولوں کے اتمام حجت کی بات ہے، میں نے اپنے سوال میں ان مراحل کا ذکر کیا ہے جن سے گزر کر یہ ہوتا ہے۔ پھر غامدی صاحب پر تنقید مقصد نہیں تھا اس سوال کا، لیکن اگر ہوتا بھی تب بھی غلط نہیں ہوتا۔ تنقید تو لازمی ہے۔ یہ تاثر مجھے جواب پڑھ کر ملا۔

دوسرے طریقے بھی ہیں اتمام حجت کے۔ اگر کسی پر یہ واضح ہوجائے کہ قرآن اللہ کے سوا کسی کی کتاب نہیں ہو سکتی تو اس پر ایمان لانا اس کے لیے لازمی ہو جائے گا کیونکہ اس پر اتمام حجت ہو گیا۔ لیکن ایسا بھی ممکن ہے کہ کسی کے پاس اللہ کی کتاب کا علم نہ پہینچا ہو۔ اب کیا اس کے پاس کوئی عذر ہوگا پیش کرنے کے لیے مالک کائنات کو؟ یا اس کے پاس جو خیر و شر کا اللہ کی طرف سے دیا ہوا الہام ہے وہ کافی ہوگا؟ روایات میں آتا ہے کہ رسول اللہ صلی اللہ علیہ وسلم کے باپ بھی جہنم میں ہیں جب کہ ان کے زمانے میں کوئی پیغمبر نہیں تھا۔ تو اُن پر کس طرح سے اتمام حجت ہوا ہوگا؟

اگر میرے جواب سے کوئی غلط تاثر ملا ہو تو معذرت۔ جزاک اللہ خیرا۔