-
Uses Of Word Azab As Used In Quran
کیا قرآن میں لفظ عذاب عام انسانوں پر دنیاوی آفتوں، مصیبتوں اور پریشانیوں کے لئے بھی استعمال ہوا ہے یا پھر یہ لفظ رسول کی موجودگی میں اس کا انکار کرنے والوں کے لئے ہی خاص ہے ؟؟
-
9 Replies
-
Uses Of Word Azab As Used In Quran
updated 1 year, 2 months ago
3 Members
·
9
Replies
-
یہ اتمام حجت کے بعد، خدا کی طرف سے سزا کے لیے استعمال ہوا ہے۔ جہاں یہ ان عذابوں کے لیے استعمال ہوا ہے جو رسولوں کے اتمام حجت کے بعد ان کے منکرین پر آئے، وہاں شریعت کی مقرر کردہ سزاؤں کے لیے بھی آیا ہے۔ اس کی وجہ بھی یہی ہے کہ مسلمان پر اس لحاظ سے اتمام حجت ہوتا ہے کہ مثلا چوری، زنا اور ڈاکہ وغیرہ گناہ ہیں اور خدا نے ان کی سزا مقرر کر رکھی ہے۔ اس علم اور سمجھ کے باوجود ان کا ارتکاب کرنا سرکشی کا گناہ ہے جس پر عذاب دیا جاتا ہے۔
-
پھر مندرجہ ذیل آیت میں عذاب کس معنوں میں ہے ؟؟ بظاہر تو یہ عام گناہگار جو فرقہ بندیاں کرتے ہیں انکے لئے لگ رہا ہے ؟؟
قُلْ هُوَ الْقَادِرُ عَلٰۤى اَنْ یَّبْعَثَ عَلَیْكُمْ عَذَابًا مِّنْ فَوْقِكُمْ اَوْ مِنْ تَحْتِ اَرْجُلِكُمْ اَوْ یَلْبِسَكُمْ شِیَعًا وَّ یُذِیْقَ بَعْضَكُمْ بَاْسَ بَعْضٍؕ الانعام 6:65
تم فرماؤ وہ قادر ہے کہ تم پر عذاب بھیجے تمہارے اوپر سے یا تمہارے پاؤں کے تلے سے یا تمہیں بھڑا دے مختلف گروہ کرکے اور ایک کو دوسرے کی سختی چکھائے
-
اِنَّ الَّذِیۡنَ یُحِبُّوۡنَ اَنۡ تَشِیۡعَ الۡفَاحِشَۃُ فِی الَّذِیۡنَ اٰمَنُوۡا لَہُمۡ عَذَابٌ اَلِیۡمٌ ۙ فِی الدُّنۡیَا وَ الۡاٰخِرَۃِ ؕ وَ اللّٰہُ یَعۡلَمُ وَ اَنۡتُمۡ لَا تَعۡلَمُوۡنَ۔ النور 24:19
جو لوگ چاہتے ہیں کہ ایمان لانے والوں کے گروہ میں فحش پھیلے وہ دنیا اور آخرت میں دردناک سزا کے مستحق ہیں، اللہ جانتا ہے اور تم نہیں جانتے ۔
اس آیت میں دنیامیں دیئے جانے والے عذاب سے کیا مراد ہے ؟؟
بظاہر اس آیت میں بھی لفظ عذاب عام مصیبت کے طور پر آیا ہوا لگ رہا ہے
-
وَ اِذۡ نَجَّیۡنٰکُمۡ مِّنۡ اٰلِ فِرۡعَوۡنَ یَسُوۡمُوۡنَکُمۡ سُوۡٓءَ الۡعَذَابِ یُذَبِّحُوۡنَ اَبۡنَآءَکُمۡ وَ یَسۡتَحۡیُوۡنَ نِسَآءَکُمۡ ؕ وَ فِیۡ ذٰلِکُمۡ بَلَآ ءٌ مِّنۡ رَّبِّکُمۡ عَظِیۡمٌ۔ البقرہ 2:49
یاد کرو وہ وقت ، جب ہم نے تم کو فرعونیوں کی غلامی سے نجات بخشی ۔ انہوں نے تمہیں سخت عذاب میں مبتلا کر رکھا تھا ، تمہارے لڑکوں کو ذبح کرتے تھے تمہاری لڑکیوں کو زندہ رہنے دیتے تھے اور اس حالت میں تمہارے رب کی طرف سے تمہاری بڑی آزمائش تھی ۔
اس آیت میں بھی لفظ عذاب بظاہر عام مصیبتوں اور پریشانیوں کے لئے استعمال ہوتا ہوا لگ رہا ہے ؟؟
-
میرا پوچھنا صرف اتنا ہے کہ کیا قرآن میں لفظ عذاب عام مصیبتوں، پریشانیوں اور آفتوں torture and persecution کے لئے استعمال ہوا ہے یا نہیں ؟؟
-
عذاب کی نسبت جب خدا کی طرف ہو تو وہ فقط اتمام حجت کے بعد آتا ہے خواہ وہ رسول کے اتمام حجت کے بعد اجتماعی طور پر آئے یا ایک مسلمان کے اعتراف کے بعد کہ وہ خدا کے حکم کو جانتا تھا مگر پھر بھی اس نے چوری زنا یا محاربہ کیا، اس کی سزا کو عذاب کہا ہے۔
پرسیکیوشن کے لیے قرآن مجید فتنہ کا لفظ استعمال کرتا ہے۔ فرعون کی طرف عذاب کی نسبت اس کے ظلم کا بیان ہے۔
محولہ بالا آیات مین عذاب کی دھمکی ظاہر ہے کہ مخاطبین کو اتمام حجت کے بعد آنے والا عذاب کی دھمکی ہے۔
قرآن کے مخاطبین مخصوص ہیں۔ یہ البتہ ان کے رویے ہیں جو دیگر لوگوں میں بھی پائے جائیں تو یہی معاملہ ان کے ساتھ بھی ہوگا ۔ مگر رسول کے آ جانے کے بعد یہ معاملہ دنیا میں عدالت لگا کر کردیا جاتا ہے۔ رسول کے بعد بھی یہ معاملہ انفرادی سطح پر ہو سکتا ہے کہ کسی پر اتمام حجت ہو جائے اور وہ خدا کے عذاب کا شکار ہو جائے، مگر اس کاعلم ہمیں نہیں ہو سکتا۔
-
بات کافی واضح ہوئی ہے۔
برائے مہربانی قرآن کی وہ آیات بتائیں جن سے ظاہر ہوتا ہو کہ رسول کا انکار کرنے والوں پر اتمام حجت کے بعد دنیا میں عذاب آتا ہے ؟؟
-
یعنی برائے مہربانی قرآن کی وہ آیات بتائیں جن سے پتہ چلتا ہو کہ اللہ تعالیٰ نے رسول اکرمﷺ کے ذریعے انکا انکار کرنے والوں کو دنیا میں عذاب دیا
-
All such Quranic Verses have been disucssed at length in the following Response Series:
In case you have any further question after watching these videos, please feel free to post them here.
-
Sponsor Ask Ghamidi
